Panic Syron in phone

ജനുവരി മുതല്‍ പുതിയ ഫോണുകളില്‍ അപായ ബട്ടണ്‍

ന്യൂഡല്‍ഹി: അടുത്ത ജനുവരി ഒന്നുമുതല്‍ ഇറങ്ങുന്ന ഫോണുകളില്‍ അപായ ബട്ടണ്‍(പാനിക്) നിര്‍ബന്ധമാക്കും. അടിയന്തിര ഘട്ടങ്ങളില്‍ സുരക്ഷയ്ക്കു വേണ്ടിയാണ് ടെലികോം മന്ത്രാലയം ഈ സംവിധാനം കൊണ്ടുവരുന്നത്. ഒരൊറ്റ ക്ലിക്കില്‍ കോള്‍ ചെയ്യാന്‍ കഴിയുന്ന സംവിധാനമാണിത്. സ്ത്രീ സുരക്ഷയുടെ ഭാഗമായിട്ടാണ് കേന്ദ്ര സര്‍ക്കാര്‍ ഈ പദ്ധതി ഒരുക്കിയിരിക്കുന്നത്. അപകട സമയത്ത് മൊബൈല്‍ ഫോണിലെ നിശ്ചിത ബട്ടണ്‍ അമര്‍ത്തുമ്പോള്‍ ഉപഭോക്താവിന്റെ വീട്ടിലേക്കോ കൂട്ടുകാരുടെ ഫോണിലേക്കോ സുരക്ഷാ ഉദ്യോഗസ്ഥരുടെ സമീപത്തോ സ്ഥലവിവരമടക്കം അടങ്ങുന്ന സന്ദേശം നല്‍കുന്ന രീതിയിലാണ് പാനിക് ബട്ടണ്‍ ക്രമീകരിച്ചിരിക്കുന്നത്.
ഇതിനു പുറമെ ജി.പി.എസ് സംവിധാനവും എല്ലാ ഫോണുകളിലും നിര്‍ബന്ധമാക്കും.

ക്രിയോ മാര്‍ക്ക് 1 : ഗുണങ്ങളും പോരായ്മകളും

ഇന്ത്യന്‍ നിര്‍മ്മിത ഓപ്പറേറ്റിങ്ങ് സിസ്റ്റത്തില്‍ പ്രവര്‍ത്തിക്കുന്ന ക്രിയോ മാര്‍ക്ക് 1 സ്മാര്‍ട്ട്‌ഫോണ്‍ വിപണിയിലെത്തിയിട്ട് നാളുകള്‍ കുറച്ചായേ ഉള്ളു. ബംഗളൂരുവിലെ കണ്‍സ്യൂമര്‍ ടെക്‌നോളജി കമ്പനിയായ ക്രിയോ വികസിപ്പിച്ചെടുത്ത ഫ്യുവല്‍ ഓഎസില്‍ പ്രവര്‍ത്തിക്കുന്ന മാര്‍ക്ക് 1 ന് 19,990 രൂപയാണ്. ഗുണങ്ങളോടൊപ്പം തന്നെ ചെറിയ ചില പോരായ്മകളും ക്രിയോ മാര്‍ക്ക് 1 നുണ്ട്.

പ്രതിമാസ സോഫ്റ്റ് വെയര്‍ അപ്‌ഡേഷന്‍ സൗകര്യം ഉള്ള ഫോണാണിത്. 5.2 ഇഞ്ച് ക്വാഡ് എച്ച്ഡി ഡിസ്‌പ്ലേയാണ് ഇതിന് ഒരുക്കിയിരിക്കുന്നത്. 2കെ ഡിസ്‌പ്ലേ വളരെ മനോഹരവും അതിലെ നിറങ്ങള്‍ ആവര്‍ത്തിക്കുന്നതു പോലെ തോന്നുകയും ചെയ്യുന്നതാണ്.3ജിബി റാം, 32ജിബി റോം, മൈക്രോ എസ്ഡി കാര്‍ഡ് എന്നിവയും സവിശേഷതയാണ്. ഫോണില്‍ 21എംപി റിയര്‍ സോണി എക്‌സ്‌മോര്‍ IMX230 ക്യാമറയില്‍ സ്പീഡ് കുറഞ്ഞ വീഡിയോ റെക്കോര്‍ഡിങ്ങ് സൗകര്യം മാത്രമേ ഉള്ളു.ഇതില്‍ ക്യാമറ 21/8എംപി ആണ് ലഭ്യമായിട്ടുള്ളത് എന്നാല്‍ ഇത് അത്ര മികച്ചത് അല്ല.
ഫിങ്കര്‍പ്രിന്റ് മാഗ്‌നെറ്റ് ഉളളതു കാരണം ഫോണില്‍ എപ്പോഴും വിരല്‍ അടയാളം ഉണ്ടായിരിക്കുന്നതാണ്.അത് ഫോണിന് അഭംഗിയാണ്.എന്നാല്‍ ഫിങ്കര്‍പ്രിന്റ് സ്‌കാനര്‍ ഫോണിന്റെ സുരക്ഷക്കു വേണ്ടിയുളളതാണ്.ഫോണിനെ വെളളത്തില്‍ നിന്നും സംരക്ഷിക്കാന്‍ വേണ്ടി നല്‍കുന്ന വാട്ടര്‍ഫ്രൂഫ് റെസിസ്റ്റന്റ് കോട്ടിങ്ങ് ഈ ഫോണിന് നല്കിയിട്ടില്ല.എന്നാല്‍ റിമൂവബിള്‍ ബാറ്ററി മികച്ച ഒരു ഫീച്ചറാണ്

360 ഡിഗ്രി ലൈവ് വീഡിയോയുമായി യൂ ട്യൂബ്

യു.എസ്: 360 ഡിഗ്രി വരെയുള്ള ദൃശ്യങ്ങളുടെ ലൈവ് സ്ട്രീമിങുമായി യൂ ട്യൂബ്. ലോകത്തിന്റെ വിവിധ ഭാഗങ്ങളിലെ ഉപഭോക്താക്കളുടെ ആവശ്യപ്രകാരമാണ് യൂ ട്യൂബ് ഇപ്പോള്‍ ഈ സവിശേഷത അവതരിപ്പിച്ചിരിക്കുന്നത്. ഇതിന്റെ പ്രത്യേകത ജനങ്ങള്‍ക്ക് ബോധ്യപ്പെടുത്തുന്നതിനായി എപ്രില്‍ 22 മുതല്‍ 24 വരെ നടക്കുന്ന കോഷല്ലെ മ്യൂസിക് ഫെസ്റ്റിവലിലെ തെരഞ്ഞെടുത്ത ഭാഗങ്ങള്‍ യൂട്യൂബില്‍ പ്രദര്‍ശിപ്പിക്കും. കൂടാതെ 'സ്‌പെഷ്യല്‍ ഓഡിയോ' സൗകര്യവും ഇതോടൊപ്പം യൂ ട്യൂബ് ഒരുക്കിയിട്ടുണ്ട്. അതായത് കാമറയുടെ വിദൂരത്തുനിന്നുള്ള ശബ്ദങ്ങള്‍ വരെ വളരെ വ്യക്തമായി ഒപ്പിയെടുക്കാനുള്ള സംവിധാനമാണിത്.

360 ഡിഗ്രി റെക്കോഡിങ് സാധ്യമായ കാമറ ഉപയോഗിച്ച് നിലവില്‍ യൂട്യൂബില്‍ വീഡിയോ ലൈവായി സ്ട്രീം ചെയ്യാം. എന്നാല്‍ ഇത്തരം സൗകര്യമുള്ള കാമറയും അതിവേഗ ഇന്റര്‍നെറ്റ് കണക്ഷനും വേണമെന്നാണ് യൂ ട്യൂബ് അധികൃതര്‍ പറയുന്നത്. നിലവില്‍ ആന്‍ഡ്രോയ്ഡ് പ്ലാറ്റ്‌ഫോമില്‍ മാത്രമേ ഈ സൗകര്യം ലഭ്യമാവൂ. പിന്നീട് മറ്റു പ്ലാറ്റ്‌ഫോമുകളിലും ലഭിക്കുമെന്നാണറിയുന്നത്. കാലത്തിനനുസരിച്ച് പുതിയ മാറ്റങ്ങളും സവിശേഷതകളും ഒരുക്കുന്നതിന്റെ ഭാഗമായാണ് യൂ ട്യൂബ് പുതിയ രീതികള്‍ അവതരിപ്പിച്ചത്.

മികച്ച സെല്‍ഫി നല്‍കാന്‍ എച്ച്.ടി.സി 10

മങ്ങാത്ത മികച്ച സെല്‍ഫികള്‍ സമ്മാനിക്കാനായി പുതിയൊരു സ്മാര്‍ട്ട്‌ഫോണ്‍ ഒരുക്കിയിരിക്കുകയാണ് എച്ച്.ടി.സി.  ഇനി സെല്‍ഫി എടുക്കുമ്പോള്‍ കൈകള്‍ എത്ര വിറച്ചാലും ഫോട്ടോ അവ്യക്തമാകുമെന്ന ടെന്‍ഷന്‍ വേണ്ട. അതിനായി ഒപിറ്റിക്കല്‍ ഇമേജ് സ്റ്റെബിലൈസേഷന്‍(osi) എന്നൊരു ഫീച്ചര്‍ ക്യാമറയുടെ ലെന്‍സില്‍ ക്രമീകരിച്ചിട്ടുണ്ട്. എച്ച്.ടി.സി ഇതുവരെ പുറത്തിറക്കിയ ഫോണുകളിലെ ഏറ്റവും മികച്ച ക്യാമറയാണ് എച്ച.ടി.സി 10 ന്റേത്.
അഞ്ച് വര്‍ഷങ്ങള്‍ക്ക് മുന്‍പ് സ്മാര്‍ട്‌ഫോണ്‍ വില്‍പ്പനയില്‍ 9% മാര്‍ക്കറ്റ് ഷെയറോട് കൂടി എച്ച്.ടി.സി നാലാം സ്ഥാനത്തായിരുന്നതെങ്കില്‍ 2015 ല്‍ അത് 17 )0 സ്ഥാനത്തേക്ക് പിന്‍തള്ളപ്പെട്ടിരുന്നു.

എച്ച്.ടി.സി10  ന്റെ മറ്റ് ഫീച്ചറുകള്‍

30 ശതമാനം അധികം കളര്‍ഫുളും. 50ശതമാനം അധികം ടെച്ച് റെസ്‌പോണ്‍സീവുമാണ് ഇതിന്റെ 5.2 ഇഞ്ച് ഡിസ്‌പ്ലേ.
24 ബിറ്റ് ഓഡിയോ റെക്കാര്‍ഡ് ചെയ്യാനും പ്ലേ ചെയ്യാനുമുള്ള കഴിവ്. ഹൈറെസ് സര്‍ട്ടിഫിക്കറ്റോട് കൂടിയ ഇയര്‍ഫോണും കൂടെയുണ്ട്.
ഒരു മണിക്കൂറുകൊണ്ട 100% ചാര്‍ജാവുന്ന 3000 എംഎഎച്ച് ബാറ്ററി.

ഐഫോണ്‍ എസ്.ഇ ഇന്ത്യയിലും

ആപ്പിള്‍ കഴിഞ്ഞ മാസം പുറത്തിറക്കിയ ഐഫോണ്‍ എസ്.ഇ, 9.7 ഇഞ്ച് ഐപാഡ് പ്രോ എന്നിവ ഇന്ത്യയിലെത്തി. കമ്പനിയുടെ ഒഫീഷ്യല്‍ റീടെയില്‍ പാട്‌നര്‍മാരില്‍ നിന്നും ഓണ്‍ലൈന്‍ വഴിയും ഉപഭോക്താക്കള്‍ക്ക് ലഭ്യമാകും.

32 ജി.ബി, 64 ജി.ബി എന്നീ സ്റ്റോറേജ് വേരിയന്റുകളില്‍ ലഭ്യമാകുന്ന ഐഫോണ്‍ എസ്.ഇക്ക് യഥാക്രമം Rs39000, RS49000 ആണ് വില. 30,000 രൂപയ്ക്ക് ഇന്ത്യയില്‍ ലഭ്യമാകുമെന്ന് പ്രതീക്ഷിച്ചിരുന്നെങ്കിലും ലോഞ്ചിങ് കഴിഞ്ഞതിനു ശേഷം 39,000 രൂപയാക്കുകയായിരുന്നു.

4 ഇഞ്ച് സ്‌ക്രീനോടുകൂടിയെത്തുന്ന ഐഫോണ്‍ എസ്്.ഇയില്‍ ഐഫോണ്‍ 6ന് സമാനമായ 12 മെഗാപിക്‌സല്‍ കാമറയാണ് നല്‍കിയിട്ടുള്ളത്. 1.2 മെഗാപിക്‌സല്‍ വ്യക്തതയുള്ള സെല്‍ഫി ഷൂട്ടറും പ്രത്യേകതയാണ്. ഗ്രേ, സില്‍വര്‍, ഗോള്‍ഡ്, റോസ് നിറങ്ങളില്‍ ഐഫോണ്‍ എസ്.ഇ ലഭ്യമാകും.

9.7 ഇഞ്ച് ഐപാഡ് പ്രോ 32 ജി.ബി, 128 ജി.ബി, 256 ജി.ബി എന്നീ സ്‌റ്റോറേജ് വേരിയന്റുകളിലാണ് പുറത്തിറങ്ങിയിരിക്കുന്നത്. 32 ജി.ബി മോഡലിന് 49,900 രൂപയും 128 ജി.ബി മോഡലിന് 61,900 രൂപയും 256 ജി.ബി മോഡലിന് 73,900 രൂപയുമാണ് വില നല്‍കിയിരിക്കുന്നത്.

ഇപ്പോള്‍ whatsapp ല്‍ കാണുന്ന end-to-end encryption എന്നാല്‍ എന്ത്?

നിങ്ങളുടെ  whatsapp സന്ദേശങ്ങള്‍ക്കു കൂടുതല്‍ സ്വകാര്യത ഏര്‍പ്പെടുത്തി എന്നാണ് whatsapp നിങ്ങളെ അറിയിക്കുന്നത്. എന്തിനേറെ, നിങ്ങള്‍ അയക്കുന്ന  സന്ദേശങ്ങള്‍ ഇനി whatsapp staffനു  പോലും വായിക്കാന്‍ പറ്റത്തില്ല എന്നാണ് whatsapp മുതലാളി Mark Zuckerberg പറയുന്നത്.

Washington, United States: The popular messaging service WhatsApp said on Tuesday it had implemented "full end-to-end encryption," a move which steps up privacy but may lead to conflicts with law enforcement agencies.

The Facebook-owned mobile application with one billion users worldwide made the announcement following weeks of intense debate over efforts by US authorities to compel Apple to help break into an encrypted iPhone.

"WhatsApp has always prioritized making your data and communication as secure as possible," a blog post announcing the change said.

"And today, we're proud to announce that we've completed a technological development that makes WhatsApp a leader in protecting your private communication: full end-to-end encryption."

വിവോയുടെ പുതിയ മോഡലുകള്‍

വിവോയുടെ പുതിയ സ്മാര്‍ട്‌ഫോണ്‍ മോഡലുകളായ വിവോ വി3,വി3 മാക്‌സ് ഇന്ത്യയില്‍ അവതരിപ്പിച്ചു. മെറ്റല്‍ ബോഡി, ഫിംഗര്‍പ്രിന്റ് സ്‌കാനര്‍ ഹൈഫൈ ഓഡിയോ എന്നീ സവിശേഷതകളുളള വിവോ വി3 യ്ക്ക് 17,980 രൂപയും വിവോ വി3 മാക്‌സിന് 23,980 രൂപയുമാണ്. ഈ സ്മാര്‍ട്ട് ഫോണിന്റെ പ്രധാന സവിശേഷതകളിലൊന്നാണ് ഇതിന്റെ കാമറ. 0.7 സെക്കന്റിനുള്ളില്‍ പ്രവര്‍ത്തനക്ഷമമാകുന്ന ക്യാമറയാണ് ഇതില്‍ ഒരുക്കിയിരിക്കുന്നത്.

5 ഇഞ്ച് എച്ച് ഡി ഡിസ്‌പ്ലേ, 3ജിബി റാം, 32 ജിബി ഇന്റേണല്‍ സ്റ്റോറേജ്, 13 എംപി പ്രെമറി ക്യാമറ, 8 എംപി മുന്‍ ക്യാമറ 2550 മെഗാഹെട്‌സ് ബാറ്ററി, എന്നീ സവിശേഷതകള്‍ ആണ് വിവോ വി3 സ്മാര്‍ട്ട് ഫോണിനുള്ളത്.

വിവോ വി3 മാക്‌സ് ഒക്ട കോര്‍ സ്്‌നാപ്ഡ്രാഗണ്‍ 652 എസ്ഒസി പ്രാപ്തിയുള്ളതാണ്. കൂടാതെ 4 ജിബി റാം 32 ജിബി ഇന്റേണല്‍ സ്റ്റോറേജ്, 5.5 ഇഞ്ച് ഫുള്‍ ഡിസ്‌പ്ലേയുടെ കൂടെ 2.5ഡി കോര്‍ണിങ് ഗോറില്ല ഗ്ലാസ് എന്നിവയാണ് ഈ സ്മാര്‍ട്‌ഫോണിന്റെ പ്രത്യേകത. വിവോ വി3 യുടെ അതേ കാമറാ സംവിധാനം തന്നെയാണ് വിവോ വി3 മാക്‌സിനും നല്‍കിയിരിക്കുന്നത്. 3000മെഗാഹെട്‌സ് ബാറ്ററിയും ഫിങ്കര്‍പ്രിന്റ് സെന്‍സറും ഇതില്‍ അടങ്ങിയിട്ടുണ്ട്.

മികച്ച ബാറ്ററി പവറുള്ള അഞ്ച് ബജറ്റ് ഫോണുകള്‍

ബാറ്ററിയാണ് സ്മാര്‍ട്ട്‌ഫോണ്‍ യൂസര്‍മാരുടെ ഇപ്പോഴത്തെ ഏറ്റവും വലിയ വെല്ലുവിളി. മര്യാദയ്‌ക്കൊന്ന് ചാറ്റാന്‍ വിചാരിച്ചാല്‍, ഒരു നീളന്‍ വീഡിയോ കാണാമെന്നു വിചാരിച്ചാല്‍, യാത്രയിലാണെങ്കില്‍... ബാറ്ററിയുണ്ടാക്കുന്ന പുകില്‍ പറയേണ്ട. പവര്‍ ബാങ്കുകള്‍ സുലഭമാണെങ്കിലും അതൊന്നും അത്രകണ്ട് ശരിയാവുന്നില്ല, അല്ലേ? ഇവിടെയാണ് ലോങ് ബാറ്ററി ക്വാളിറ്റിയുള്ള മൊബൈല്‍ ഫോണിന് പ്രിയമേറുന്നത്. എന്നാലോ നമ്മുടെ ബജറ്റിനൊതുങ്ങുന്നതാവണം. ബജറ്റിലൊതുങ്ങുന്ന നല്ല ബാറ്ററി ലൈഫുള്ള അഞ്ചു ഫോണുകള്‍ ഇവിടെ പരിചയപ്പെടാം.

Micromax Canvas Juice 4G -- Rs 7,399

ഇന്ത്യന്‍ നിര്‍മാതാക്കളായ മൈക്രോമാക്‌സ് ബാറ്ററി ലൈഫുള്ള മൊബൈലിലാണ് ഇപ്പോള്‍ കൂടുതല്‍ ശ്രദ്ധ കേന്ദ്രീകരിക്കുന്നത്. 4,000 എം.എ.എച്ച് ബാറ്ററികളുമായി നിരവധി മോഡലുകള്‍ ഇതിനകം ഇറങ്ങിക്കഴിഞ്ഞു. ഫെബ്രുവരിയില്‍ ലോഞ്ച് ചെയ്ത മൈക്രോമാക്‌സ് കാന്‍വാസ് 4ജി ഇതില്‍ മികച്ചൊരു ഫോണാണ്.

പ്രത്യേകതകള്‍

ഡിസ്‌പ്ലേ: 5 ഇഞ്ച്, 1280X710 റെസല്യൂഷന്‍
1GHz ക്വാഡ് കോര്‍ പ്രൊസസര്‍
2 ജി.ബി റാം
8 ജി.ബി സ്റ്റോറേജ്
32 ജി.ബി എക്‌സ്‌റ്റേണല്‍ സ്‌റ്റോറേജ്
ഡുവല്‍ സിം
8 എം.പി കാമറ (എല്‍.ഇ.ഡി ഫഌഷ്)
5 എം.പി മുന്‍കാമറ
4ജി, എല്‍.ടി.ഇ, വൈ ഫൈ, ബ്ലൂടൂത്ത്, ജി.പി.എസ്

-----------

Huawei Holly 2 Plus -- Rs 8,499

4,000 എം.എ.എച്ച് ബാറ്ററി പവറുള്ള മറ്റൊരു ബജറ്റ് ഫോണാണ് ഹുവായ്‌യുടെ ഓണര്‍ ഹോളി 2 പ്ലസ്. ആന്‍ഡ്രോയിഡ് 5.1 ലോലിപോപ്പില്‍ പ്രവര്‍ത്തിക്കുന്ന സിസ്റ്റം മറ്റൊരു പ്രത്യേകത.

പ്രത്യേകതകള്‍

64 ബിറ്റ് ക്വാഡ് കോര്‍ പ്രൊസസര്‍
2 ജി.ബി റാം
16 ജി.ബി ഇന്റേണല്‍ സ്റ്റോറേജ്
മൈക്രോ എസ്.ഡി കാര്‍ഡ്
13 എം.പി കാമറ (എല്‍.ഇ.ഡി ഫഌഷ്)
5 എം.പി മുന്‍ കാമറ
4 ജി, എല്‍.ടി.ഇ, 3 ജി, വൈഫൈ, ബ്ലൂടൂത്ത്, ജി.പി.എസ്

----------

Asus Zenfone Max -- Rs 9,999

തായ്‌വാന്‍ നിര്‍മാതാക്കളായ അസ്യുസില്‍ നിന്നുള്ള മികച്ചൊരു ഫോണാണ് അസ്യുസ് സെന്‍ഫോണ്‍ മാക്‌സ്. 5,000 എം.എ.എച്ച് ബാറ്ററിയാണ് ഇതിന്റെ പ്രധാന പ്രത്യേകത.

പ്രത്യേകതകള്‍

5.5 എച്ച്.ഡി ഡിസ്‌പ്ലേ (ഗൊറില്ലാ ഗ്ലാസ്4) (1,280X720 പിക്‌സല്‍ റെസല്യൂഷന്‍)
1.2GHz ക്വാഡ് കോര്‍ 64 ബിറ്റ് സ്‌നാപ്ഡ്രാഗണ്‍ 410 പ്രൊസസര്‍
2 ജി.ബി റാം
16 ജി.ബി ഇന്റേണല്‍ മെമ്മറി
64 ജി.ബി വരെ എക്‌സ്റ്റേണല്‍ മെമ്മറി
13 എം.പി കാമറ (എല്‍.ഇ.ഡി ഫഌഷ്)
5 എം.പി മുന്‍കാമറ
4ജി, ആന്‍ഡ്രോയിഡ് 5.0 ലോലിപോപ്

----------

Xiaomi Redmi Note 3 -- Rs 9,998/ Rs 11,998

ബജറ്റ് ഫോണിലൂടെ ഇന്ത്യന്‍ വിപണിയില്‍ നേട്ടമുണ്ടാക്കിയ ഷവോമി ബാറ്ററി ലൈഫുള്ള ഫോണുകള്‍ക്ക് മുന്‍ഗണന നല്‍കുന്നുണ്ട്. 4,050 എം.എ.എച്ച് പവര്‍ ബാറ്ററിയുള്ള റെഡ് മി നോട്ട് 3 ഫോണാണ് ഇപ്പോള്‍ കുതിച്ചുചാട്ടം നടത്തുന്നത്.

പ്രത്യേകതകള്‍

5.5 ഇഞ്ച് ഫുള്‍ എച്ച്.ഡി ഡിസ്‌പ്ലേ (1080X1920)
16 എം.പി കാമറ (എല്‍.ഇ.ഡി ഫഌഷ്)
5 എം.പി മുന്‍കാമറ
2 ജി.ബി റാം, 16 ജി.ബി സ്റ്റോറേജ് (9,999 രൂപ)
3 ജി.ബി റാം, 32 ജി.ബി സ്റ്റോറേജ് (11,999)

---------

Gionee M5 Lite -- 11,822

കാണാന്‍ ചെറുതാണെങ്കിലും 4,000 എം.എ.എച്ച് പവറുള്ള ബാറ്ററിയാണ് ജിയോണി എം5 ലൈറ്റ് ഫോണിന്റെ പ്രത്യേക. അമിഗോ യു.ഐയോടു കൂടിയ ആന്‍ഡ്രോയിഡ് 5.1 ലോലിപോപ്പില്‍ പ്രവര്‍ത്തിക്കുന്ന സിസ്റ്റമാണ് ഇതിന്റെ മറ്റൊരു പ്രത്യേകത.

പ്രത്യേകതകള്‍

5 ഇഞ്ച് (1280X720 പിക്‌സല്‍) ഡിസ്‌പ്ലേ
1.3GHz ക്വാഡ് കോര്‍ മീഡിയാടെക് പ്രൊസസര്‍
3 ജി.ബി റാം
32 ജി.ബി ഇന്റേണല്‍ മെമ്മറി
128 ജി.ബി വരെ എക്‌സ്റ്റേണല്‍ മെമ്മറി
8 എം.പി കാമറി (എല്‍.ഇ.ഡി ഫഌഷ്)
5 എം.പി മുന്‍കാമറ